ARDI GALDUAREN PARABOLA

ARDI GALDUAREN PARABOLA

Hasteko, beti bezala, ipuintxo bat irakurri genuen. Zein? Jesusek kontatutako "Ardi galduaren parabola"! Eta, gero, antzerki txiki bat egitea pentsatu genuen. Horretarako, lehenbiziko, maskara edo kareta bat prestatu genuen!! Begiratu, begiratu!!

Hona hemen Amaiur Ikastolako antzerkia!!

Ardiak lasai-lasai belarra jaten ari ziren.

Halako batean, artzainak ardiak bordan sartu zituen.

 

 

Zenbatzen hasi zen eta... bat falta zitzaion!!

Bordako ateka itxi eta ardi galduaren bila abiatu zen. Eta, hara non, ardia, zuhaitz baten ondoan zegoen!! Artzaina poz-pozik geratu zen. Izan ere, ardi guztiak asko maite zituen!!

ERLIJIOKO KARPETA IBILTARIA 2

Hemen daukagu LHko bigarren mailako "Erlijioko karpeta ibiltaria". Alde batetik, guztion artean egindako Moisesen ipuina dago. Eta, bestalde, puzzle txiki bat eta karten jokua.

OGIA ETA ARRAINA GUZTIONTZAT

Jendetza handia joaten zen Jesusen eta bere ikasleen atzetik. Egun batez, berandutu egin zitzaien eta jendea gosetzen hasi zen... Jesusek guztiei jatera eman zien:

 

Andresek esan zion Jesusi: "Hemen dagoen mutiko batek saski bat du bost ogi eta bi arrain dituela, baina hau ez da nahikoa hainbeste jenderentzat”. Jesusek esan zien: “Esan guztiei esertzeko”. Denak, bost mila inguru, eseri ziren han zegoen belartzan.

Hartu zuen Jesusek ogia eta, begiak zerura jasorik, bedeinkazioa esan, ogiak zatitu eta ikasleei eman zizkien, eta hauek jendeari eskaini. Gauza bera egin zuen arrainekin. Asetzeraino jan zuten denek, eta gelditutako ogi eta arrain-hondarrekin hamabi saski bete zituzten.

 

Hona hemen HHn egindako eskulan txiki bat:

 

 

 

(Joan 6, 1-15; Markos 6, 31-34)